AQUEL OUTONO

Estaba a piques de rematar o mes de novembro do ano 2003. Chovía con esa chuvia que tan ben coñecíamos os que camiñamos dende hai anos por esta serra; non molesta e concede instantes de luz distinta, o xogo consiste en buscala e tratar de capturala.
Saín da casa, na Seara, coa cámara no fondo da mochila, con rumbo impreciso... Cando levaba dez minutos andando algún trasno dixo: -que fas, non ves? -Vexo oh! Respondín preguiceiro.
Remexín a mochila mal feita, como sempre, e saquei a cámara cargada con diapositivas. Sempre levaba diapositivas cargadas que, unha vez pasados os anos, seguen sorprendendo ao dixitalizalas con moita paciencia na casa: oooh, era así!, pensaba cada vez que veía o resultado na pantalla do ordenador.
Un carrete completo de luces e cores imposibles. Aquel día non pensei nas voltas que chegarían a dar estas imaxes, antes non era así.

Cabana da devesa de Rogueira. Serra do Caurel

Vieiros. Serra do Caurel

Lameiros de Ferramulín. Serra do Caurel

Parte inferior da devesa de Rogueira. Serra do Caurel

Fervenza do Fócaro na Seara. Serra do Caurel

Fervenza grande de Hórreos. Serra do Caurel

A Seara. Serra do Caurel

Lameiros de Ferramulín. Serra do Caurel